ESPROAGRO Ingeniería é unha empresa de consultoría e servizos especializados. Nace na Coruña en 1984, onde mantén a súa sede central. Dende os seus inicios experimenta unha grande expansión. Na actualidade conta cunha delegación en cada unha das catro provincias galegas.

As principais actividades desenvoltas pola empresa agrúpanse en dúas grandes áreas. Realiza asistencia técnica en ámbitos como a concentración parcelaria, catastro, expropiacións, proxectos de camiños e inspeccións das axudas da Política Agraria Comunitaria. E desenvolve proxectos de enxeñería e consultoría no campo das industrias agroalimentarias, medio ambiente, enxeñería civil, produción agropecuaria e xestión forestal.

Esproagro forma parte de Aciga, a Asociación de Consultorías e Enxeñerías de Galicia.